| |
Bagi teman-teman yang ingin mehasabah melalui lantunan Syi'ir , barang kali Syi'ir yang dikarang oleh Gus Dur ini sangat cocok. kalau pingin dapetin MP3-nya dapat download disini.
Syi'ir Sholawat Thoriqot
by: KH. Abdurrahman WahidAstaghfirullah robbal baroya
Astaghfirullah Minal khotoya
Rabbi zidniy ‘Ilman nafi’a
wa wafiqniy ‘amalan sholiha.
Ya Rasulallah.. salamun Alaik.
Ya Rafi’a Syani wad daraji
‘Atfata yaji ratal Alami
Ya Uhailaljudi wal karomi. 2x
Ngawiti ingsun nglaras syi’iran
kelawan muji mareng Pengeran
kang paring rohmat lan kenikmatan
rino wengine tanpo pitungan 2x
duh bolo konco prio wanito
ojo mung ngaji syareat bloko
gur pinter ndongeng nulis lan moco
tembe mburine bakal sangsoro 2x
akeh kang apal qur’an haditse
seneng ngafirke marang liyane
kafire dewe gak digatekke
yen isih kotor ati akale 2x
gampang kabujuk Nafsu angkoro
ing pepaese gebyare ndunyo
iri lan meri sugihe tonggo
mulo atine peteng lan nisto 2x
ayo sedulur jo nglaleake
wajibe ngaji sak pranatane
‘Nggo ngandelake iman tauhide
baguse sangu mulyo matine 2x
Kang aran soleh bagus atine
kerono mapan sari ngilmune
laku thoreqot lan ma’rifate
ugo hakeqot manjing rasane 2x
Alqur’an Qodim wahyu Minulyo
Tanpo tinulis Iso diwoco
Iku wejangan Guru Waskito
Den tancepake Ing njero Dodo2x
Kumantil Ati lan pikiran
merasuk ing badan kabeh jerohan
Mu’jizat Rasul dadi pedoman
Minongko dalan manjinge iman 2x
Kelawan Allah Kang Moho Suci
Kudu rangkulan rino lan wengi
Ditirakati diriyadhohi
Dzikir lan suluk jo nganti lali 2x
Uripe ayem, rumongso aman
dununge roso tondo yen iman
Sabar Narimo najan pas-pasan
Kabeh tinakdir sangking Pengeran 2x
Kelawan Konco dulur lan tonggo
kang podo rukun ojo daksio
Iku Sunnahe Rasul Kang Mulyo
Nabi Muhammad Panutan Kito 2x
Ayo nglakoni sekabehane
Allah Kang Bakal ngangkat drajate
Senajan asor toto Dhohire
Ananging mulyo maqom drajate 2x
Lamun palastro ing pungkasane
ora kesasar roh lan sukmane
Den Gadang Allah swargo manggone
Utuh mayyite ugo ulese 2x
Ya Rasulallah.. salamun Alaik.
Ya Rafi’a Syani wad Daraji
‘Atfata yaji ratal Alami
Ya uhailaljudi wal karami. 2x
Tidak ada komentar:
Posting Komentar